"ПСЖ" спорт директори Луиш Кампуш мавсум якунига қадар жамоанинг бир қатор футболчиларига ультиматум қўйди, деб хабар беради Le Parisen.

Манбанинг хабарига кўра, Кампуш футболчиларга мавсум якунига қадар майдонда ўзини кўрсата олмаса, шу ёзда трансферга қўйилиши ҳақида маълум қилган. Ультиматум қўйилганига қарамай, клубни аниқ тарк этмайдиган 7 нафар футболчи бор. Булар Жанлуиджи Доннарумма, Нуну Мендеш, Ашраф Ҳакимий, Маркиньос, Данилу Перейра, Марко Верратти ва Килиан Мбаппедир.

29-турдан сўнг "ПСЖ" Франция 1-лигасида 66 очко билан “Ланс” ва “Марсель”ни 6 очкога ортда қолдириб пешқадамлик қилмоқда. Бундан ташқари, Кристоф Галтье жамоаси “Бавария”га 1/8 финалда (0:1; 0:2) ютқазиб, Чемпионлар лигасидан чиқиб кетди.