"Интер"нинг собиқ футболчиси Марко Матерацци 2010 йилдаги "требл"дан сўнг Жозе Моуриньо жамоани қандай тарк этганини эслади.
"Мен унга: "Бор, йўқол"- дедим. Чунки у мени Бенитес билан қолдирди" - деди Матерацци IFTV телеканалига берган интервьюсида.
Маълумки, Матерацци Моуриньо билан ажойиб муносабатда эди. Португалиялик мураббий ажойиб мавсумдан сўнг "Интер"ни тарк этганида футболчи ҳатто йиғлаб юборди. Ўшанда Моуриньо "Реал"ни бошқарган бўлса, Рафаэль Бенитес "Интер"ни қабул қилиб олди.
"Моуриньо ўзгача эди. У бизнинг хотинларимиз ва барча болаларимизнинг исмларини билар эди. Мен бундай мураббийни ҳеч қачон учратмаганман. Бир куни у хотиним билан учрашиб: "Чао, Даниэла" - деди. Бу мен учун кутилмаган бўлди", - дея қўшимча қилди Матерацци.
