“Реал” ярим ҳимоячиси Тони Кроос билан шартномани узайтириши мумкинлигига ишонмоқда. Журналист Томас Гонсалес хабарига кўра, "қироллик клуби" раҳбариятида немис билан ҳамкорликни узайтириш истаги бор.
Манбанинг айтишича, Кроос билан янги шартнома бўйича таклиф аллақачон муҳокама қилинган. Тони ҳали яна бир мавсум қолиш ёки профессионал фаолиятини якунлаш ҳақида бир қарорга келмаган.
33 ёшли Кроос Испания чемпионатининг жорий мавсумида 2 та гол урди ва 3 та голли узатмани амалга оширди. Немис футболчиси 2014 йилнинг ёзидан “Бавария”дан кўчиб ўтганидан бери “Реал”да ўйнамоқда.
