"Интер" ҳимоячиси Стефан де Врей жамоадаги келажаги ҳақида қандай фикрда эканлигини айтди. 31 ёшли футболчининг шартномаси жорий мавсум охирида якунига етади.
“Мен доимо футболга эътибор қаратаман ва жамоам муваффақияти учун бор кучимни сарфлайман. Мен камроқ ўйнай бошлаганимдан хурсанд эмасман, лекин бу мураббийнинг танлови. Бу ҳафта клуб билан яна бир учрашув ўтказамиз. Келинг, охир-оқибат нима бўлишини кўрамиз ”, деди нидерландиялик футболчи DAZN'га берган интервьюсида.
Transfermarkt портали ҳимоячининг нархини 15 миллион еврога баҳоламоқда. Де Врей жорий мавсум А Серияда 18 та ўйинда майдонга тушиб, 1 та гол урган.
