Ҳафта ўрталарида “Ливерпуль” турнинг навбатдаги ўйинини “Челси”га қарши ўтказди (0:0) ва Юрген Клопп асосий таркибнинг ярмини захирада қолдиришга қарор қилди. Виржил ван Дейк жароҳати сабаб ёрдам бера олмаган бўлса, Трент Александр-Арнолд, Эндрю Робертсон, Муҳаммад Салоҳ ва Коди Гакполар таркибга киритилмади.
"Арсенал"га қарши ўйин олдидан бўлиб ўтган матбуот анжуманида Клоппдан бу ўзгариш "Сити"дан учралган мағлубият билан боғлиқми ёки ўйинчиларнинг юки туфайли шундай қилиндими", деб сўралди.
“Бизда “Сити”га қарши ўйин ҳам жисмоний, ҳам ишлашга таъсир қилди. Иккаласи ҳам. Қандай жавобни кутяпсиз? Сизга нима дейишим мумкин: Иккиси шу сабабли, тўрттаси бунинг учун йўқ эди? Бу вақтни беҳуда сарфлаш".
Клопп бу мавсумда биринчи марта матбуотга бундай услубда жавоб қайтараётгани йўқ. Бу одатда жамоа яхши ўйнамаса содир бўлади.
Февраль ойида "Вулверхэмптон"га мағлуб бўлгач, мураббий жамоа ҳақида ёмон ёзгани учун журналистнинг саволига жавоб беришдан бош тортди.
