Суперлиганинг 5-туридан ўрин олган ОКМК – “Навбаҳор” (2:1) ўйинидан кейинги матбуот анжуманининг биринчи қисмида наманганликлар бош мураббийи Самвел Вячеславович Бабаян иштирок этиб, ОАВ ходимлариниинг саволларига жавоб берди.
- Бугунги ўйин ҳақидаги фикрларингиз?
- Сўнгги вақтларда ОКМК ва “Навбаҳор” жамоалари ўртасидаги ўйинлар миллий чемпионатимиз безаги бўлиб келмоқда. Бугунги баҳсда ғалабани қўлдан чиқардик деб ўйлайман. Ҳисобда олдинга чиқиб олганимиздан сўнг, футбол ўйнамай қўйдик ва ғалабани қўлдан чиқардик. Бугунги учрашув бизга сабоқ бўлиши керак.
- Кўп ҳакамлардан огоҳлантириш оласиз, ўзбек ҳакамларига қай даражада ишонасиз?
- Ҳакамларни муҳокама қилмайман. Бу оддий эмоциялар, ўйин вақтида пайдо бўлади ва кейин йўқолади.
- “Навбаҳор” икки маротаба кучли рақибларга қарши ўйнади ва ўша ўйинларда имкониятни бой берди. Жамоада руҳий томонлама муаммо бордек. Бунга “Навбаҳор”нинг ўзидан кучсизроқ рақибларни осон мағлуб этаётганлиги сабаб бўляптими?
- Яхши савол бўлди. Авваламбор таъкидлаб ўтишим керакки, ОКМК билан бўладиган учрашувлар ўзимизнинг ҳақиқий кучимизни кўриб олиш учун имконият. Бугунги учрашувда икки нафар асосий футболчимиз Даврон Ҳошимов ва Жасур Яхшибоевлар жамоага ёрдам бера олишмади.Ушбу ҳолат ҳам жамоа ўйинига таъсирини ўтказди. Лекин бугун янги ўйинчиларни синаб олишга имконият бўлди, сифат етишмади, деб ўйлайман, холос.
Ўз олдига катта мақсадлар қўйган жамоа бундай ўйинларда биринчи дақиқадан бошлаб, сўнгги сонияларгача диққатни жамлаб ўйнаши керак. Ўйинимизни таҳлил қилиб чиқамиз" - деди Бабаян.
