Мадриднинг “Реал” клуби ёзда “Барселона” тарбияланувчиси, айни дамда Бундеслигада “Лейпциг”да тўп сураётган Дани Ольмони ўз сафига қўшиб олиши мумкин. "Қироллик клуби"нинг испаниялик футболчига қизиқиши ҳақида Relevo нашри хабар бермоқда.
Манба берган хабарга кўра, Мадриднинг "Реал" клуби "Лейпциг"га немис клуби билан шартномаси келаси мавсум охирида тугайдиган Ольмонинг эҳтимолий трансферини муҳокама қилиш учун мурожаат қилган. "Реал Мадрид" ярим ҳимоячини чегирма билан сотиб олишга умид қилмоқда.
Олдинроқ Ольмо "Барселона"га қайтиши мумкинлиги ҳақида хабарлар тарқалганди. Шу билан бирга, “буқалар” раҳбарияти 24 ёшли футболчига янги шартнома таклиф қилиб, уни таркибда сақлаб қолмоқчи.