"Манчестер Юнайтед"нинг собиқ ярим ҳимоячиси Рой Кин "Энфилд"да "Ливерпул"га қарши ўйинни Микель Артета жамоаси учун муваффақият деб билади.
"Охирги 15-20 дақиқа ҳимояланишингиз ва ўзингизни ушлаб туришингиз, "Ливерпуль" эса Коп ("Энфилд" стадионидаги мухлислар трибунаси - муаллиф) қаршисида ўйнашида ғалати нарса бор. Бу ниҳоятда қийин - стадион энергияси, клуб тарихи. Ўйлайманки, "Арсенал" ушбу ўйинда очко олганидан хурсанд бўлиши керак.
Улар 2:0 ҳисобида олдинда боришди ва ўзларини қулай ҳис қилишди, аммо бу стадионда очко олишга муваффақ бўлганингиз учун миннатдор бўлишингиз керак", - деди Кин Sky Sports телеканалида.
Англия чемпионатининг 30-туридан ўрин олган "Ливерпуль" – "Арсенал" учрашуви 2:2 ҳисобида якунланди. Турнир жадвалидаги лондонликлар ва “Манчестер Сити” ўртасидаги фарқ олти очкога қисқарди.
