"Ливерпуль" ҳужумчиси Роберто Фирмино жамоа билан бўлажак хайрлашув ҳақида гапирди.
Эслатиб ўтамиз, бразилиялик футболчи июнь ойида тугайдиган шартномасини узайтирмаганди. "Ливерпуль" шарафини 31 ёшли футболчи 2015 йилдан бери ҳимоя қилиб келмоқда.
"Ливерпуль" ажойиб клуб ва мен бу гўзал ҳикоянинг бир қисми бўлганман ва бундан жуда фахрланаман. Мен бундай вазиятга биринчи марта дуч келяпман - илгари ҳеч қачон бундай нарсаларни бошдан кечирмаганман. Мавсум охиригача жамоа манфаати учун бор кучимни ишга соламан. Мен жамоа иложи борича мавсумни юқорироқда якунлашини истайман”, деди Фирмино.
Бразилиялик форвард “қизиллар” сафида 359 ўйинда 109 та гол урган.
