"Арсенал" ҳужумчиси, ҳозирда "Реймс"да ижара асосида тўп сураётган Фоларин Балогун мавсум охирида клубини ўзгартириши мумкин.
21 ёшли футболчи "Реймс"да жуда муваффақиятли мавсум ўтказмоқда, аммо "Арсенал" унга доимий ўйинни кафолатлашга тайёр эмаслиги маълум. Football Italia хабарига кўра, ҳужумчига "Лейпциг", "Монако", "Интер" ва "Марсель" қизиқиш билдирмоқда. Аввалроқ трансфер нархи 35 миллион еврога баҳоланган Балогун "Милан"га ўтиши мумкинлиги хабар қилинганди.
Футболчи Франция 1-лигасининг жорий мавсумида 29 учрашувида “Реймс” сафида 18 та гол урди.
