Мадриднинг "Реал" клуби ярим ҳимоячиси Марко Асенсио "Қироллик клуби" билан шартномасини узайтиришга тайёр.
The Athletic нашри хабарига кўра, испаниялик ярим ҳимоячи янги шартномага рози бўлган.
Асенсионинг "Реал" билан амалдаги шартномаси жорий мавсум охирида якунига етади. Раҳбарият футболчига янги шартнома таклиф қилди, бироқ Марко кўпроқ маош ва ўйин вақти кафолатини талаб қилиб, узоқ вақтдан буён рад этди. Бироқ манбанинг ёзишича, Асенсио фикридан қайтган ва энди “Сантьяго Бернабеу”да қолишга тайёр.
Жорий мавсумда Асенсио Испания чемпионатида 6 та гол урди ва 4 та голли узатмани амалга оширди.
