"Барселона" ҳужумчиси Роберт Левандовски "Жирона"га қарши кечаги Ла Лига ўйинида қатнашишга тўлиқ тайёр эмас эди. Эслатиб ўтамиз, учрашув голсиз дуранг билан якунланди.
Журналист Роман Колтоннинг сўзларига кўра, польшалик ҳужумчи ўйин олдидан машғулот ўтказа олмаган ва унинг ўйиндаги иштироки бутунлай сўроқ остида қолган. Футболчининг белида муаммолар бор эди, аммо шифокорлар ҳужумчига махсус камар тақиб Робертни майдонга чиқариш йўлини топдилар.
Эслатиб ўтамиз, Левандовски 24 учрашувда 17 та гол ва 6 та голли узатма билан Ла Лиганинг энг яхши тўпурари бўлиб турибди. Роберт "Бавария"дан кўчиб ўтгандан сўнг "Барселона"даги илк мавсумини ўтказмоқда.
