"Монако" ҳужумчиси ва сардори Виссам Бен Йеддер солиқ тўлашдан бўйин товлагани учун олти ойлик шартли қамоқ жазосига ҳукм қилинди, деб хабар беради AS.
Манбага кўра, ҳужумчи 2017 йилда Испаниянинг "Севилья" жамоасида ўйнаб, солиқ тўлашдан бўйин товлаган.
32 ёшли француз илгари судланмаганлиги сабабли бу жазони ўтамайди. У кейинги икки йил ичида жиноятни такрорласа, ҳақиқий муддатга эга бўлиши мумкин. Шунингдек, ҳужумчи 133 минг евро жарима тўлаши керак бўлади.
2022/23 йилги мавсумда Бен Йеддер "Монако" сафида барча мусобақаларда 37 та ўйинда майдонга тушиб, 23 та гол урди ва 5 та голли узатмани амалга оширди.
