"Бавария" ҳимоячиси Альфонсо Дэвис "Манчестер Сити" ҳужумчиси Эрлинг Холанд ҳақида фикр билдирди.
“У топ-ҳужумчи. Ва у футбол афсонасига айланиши мумкин. У тезкор, кучли, ақлли – ажойиб футболчи”, деди Дэвис TV2 телеканалига.
Сешанба оқшомида "Манчестер Сити" Чемпионлар лигаси 1/4 финалининг биринчи ўйинида "Бавария"ни 3:0 ҳисобида мағлуб этди. Холанд гол ва самарали узатма берди. Жамоалар кейинги ҳафта Мюнхенда жавоб ўйинини ўтказишади.
22 ёшли Холанд “Манчестер Сити” сафида жами 39 та ўйин ўтказиб, 45 та гол урди ва 6 та голли узатмани амалга оширди.
