"Бавария" ҳужумчиси Эрик Чупо-Мотинг кеча гуруҳ машғулотларида қатнашган бўлса-да, бугун яна жамоавий машғулотларини ўтказиб юборди.
Эслатиб ўтамиз, Чупо-Мотинг жароҳати сабаб "Бавария"нинг сўнгги ўйинларини ўтказиб юборган эди. Халқаро танаффус олдидан Эрик белидаги муаммолардан азият чекди, бироқ тузалгач, у яна бир жароҳат олди.
Бугун бироздан кейин "Бавария" бош мураббийи Томас Тухел матбуот анжумани ўтказиб, "Хоффенхайм"га қарши Бундеслига ўйини олдидан Чупо-Мотингнинг ҳолати ҳақида гапиради.













