"ПСЖ" ҳужумчиси Лионель Месси клубдан шартномани узайтириш бўйича таклиф олди, аммо у буни устувор деб ҳисобламаяпти, - дейди Фабрицио Романо.
Манбага кўра, май ойи 35 ёшли аргентиналик футболчининг келажагини аниқлашда ҳал қилувчи роль ўйнайди, ўшанда "Барселона" Мессини қайтариш учун трансфер бўйича фейр-плей қоидаларига риоя қилишга эриша оладими ёки йўқми аниқ бўлади. Каталонияликлар бош мураббийи Хави собиқ жамоадоши билан мунтазам алоқада бўлишда давом этмоқда.
Месси жорий мавсум парижликлар сафида барча турнирлар доирасида 34 та ўйинда майдонга тушиб, 19 та гол урди ва 18 та голли узатмани амалга оширди. Унинг "ПСЖ" билан шартномаси мавсум охиригача амал қилади.
