"Барселона" ҳужумчиси Ансу Фати ҳамон Англия Премьер-лигаси клубларининг қизиқишлари доирасида.
Турли манбалардаги сўнгги хабарларда маълум қилинишича, "Барселона" 20 ёшли футболчини келаси ёзда сотиш имкониятини кўриб чиқмоқда. Айни дамда Фатига икки клуб - "Ньюкасл" ва "Манчестер Юнайтед" жиддий қизиқиш билдирмоқда.
Премьер-лиганинг ҳар икки вакили трансфер бўйича музокаралар олиб боришга тайёр, бу ҳақда испанияликнинг агентларига хабар қилинган.
Transfermarkt Ансу Фатини 35 миллион еврога баҳолаган. Унинг "Барселона" билан шартномаси 2027 йилгача мўлжалланган.
