«Тоттенхэм» бош мураббийи вазифасини бажарувчи Кристиан Стеллини Англия премьер-лигасининг 31-тури доирасида «Борнмут»га қарши содир бўлган ўз уйидаги мағлубият (2:3) ҳақида гапирди.

«Санчес кейинги ўйинда майдонга тушадими? Агар бизга керак бўлса, ҳа. У профессионал футболчи. Биз жамоа сифатида кучайишимиз керак.

Лекин такрор айтаман, биз биринчи голни урганимизда хушёр тортишимиз керак эди. Фикримизни ўзгартиришимиз керак. Нафақат Дэвинсон, балки бутун жамоа эътиборлироқ бўлиб, олдинга қадам ташлаши керак.

Ҳимояда мукаммал бўлиш керак. Бугун биз мукаммал ўйнамадик, чунки иккита хатомиз билан уларга гол уришга имкон бердик. Булар тактик муаммолар эмас, бу индивидуал хатолар», - деди Стеллини.