"Манчестер Юнайтед" ёзги трансфер ойнасида бор кучини сарфлайдиган футболчини танлашга қарор қилди. Relevo журналистларининг ёзишича, “қизил иблислар”нинг асосий мақсади Англия терма жамоаси ва Лондоннинг “Тоттенхэм” клубининг марказий ҳужумчиси Харри Кейндир.
Аввалроқ, 29 ёшли ҳужумчи Англия Премьер-лигасини тарк этиш ниятида эмаслиги, чунки у "Нюкасл" афсонаси Алан Ширернинг гол уриш рекордини янгилашни хоҳлаётгани маълум бўлганди.
Кейннинг трансфери 100 миллион еврога баҳоланмоқда. Ҳужумчининг "шпорлар" билан шартномаси 2023/2024 йилги мавсум охиригача тузилган.
