Франкфуртнинг “Айнтрахт” клуби бош мураббийи Оливер Гласнер фаолиятини ҳозирги жамоасида давом эттиришни режалаштирмоқда.
48 ёшли мутахассис март ойи охиридан бери Антонио Конте билан хайрлашган “Тоттенхэм”нинг янги бош мураббийи лавозимига номзодлардан бири деб аталмоқда.
Яқинда австриялик мураббийнинг ўзи жорий мавсум якунланганидан кейин кетиши даргумон эканлигини тан олди: "Ўйлайманки, кейинги мавсумда мен "Айнтрахт"ни бошқаришда давом этаман", - деди Гласнер.
Мураббийнинг амалдаги шартномаси 2024 йилнинг ёзига қадар мўлжалланган. Франкфуртнинг “Айнтрахт” клуби айни дамда Бундеслиганинг 28-туридан кейин 42 очко билан 7-ўринда бормоқда.
