"Челси" янги бош мураббий қидирмоқда. Грэм Поттер истеъфога чиқарилганидан сўнг жамоани Фрэнк Лэмпард қабул қилди, бироқ у жорий мавсум охиригача вақтинчалик ишлайди.
"Челси"нинг қисқа рўйхатида бир қанча мутахассислар бор. Унда Лиссабоннинг "Спортинг" клуби Рубен Аморим ҳам бор эди. Бироқ бу номзод рўйхатдан ўчирилди, деб хабар беради The Athletic. Қайд этилишича, португалиялик Лиссабонда бахтли эканини ва ҳозирда ҳеч нарсани ўзгартиришни истамаслигини аниқ айтиб ўтган.
Айни вақтда "Челси"ни бошқариш учун асосий икки номзод - Юлиан Нагельсманн ҳамда Луис Энрике бўлиб турибди.
