"Астон Вилла" янги ҳужумчи қидиришни тўхтатди. Журналист Пит О'Руркнинг ёзишича, жамоанинг етакчи тўпурари Олли Уоткинс шартномасини узайтирганидан сўнг Унаи Эмери жамоаси янги ҳужумчига муҳтож эмас.
Эслатиб ўтамиз, аввалроқ "Астон Вилла" таркибга янги ҳужумчини трансфер қилиш вариантини кўриб чиққанди. Энг яхши танловлардан бири “Рома” аъзоси Тэмми Абрахам бўлди, у аввалроқ 2018/19 йилда “Челси”дан ижара асосида бирмингемликлар таркибида ўйнаган.
Уоткинс Премьер-лигада жорий мавсумда 14 та гол ва 6 та голли узатмани амалга оширди. Янги шартномага кўра, ҳужумчи ҳафтасига тахминан 120 000 евро олади.
