Мюнхеннинг “Бавария” жамоаси ва Германия терма жамоаси собиқ футболчиси Лотар Маттеус “Тоттенхэм” ҳужумчиси Харри Кейннинг немис грандига эҳтимолий трансфери ҳақида гапирди.

“Мен янги ҳужумчи билан шартнома имзолашни интиқлик билан кутяпман. Менимча, "Бавария"га Кейн керак эмас. Кейннинг аллақачон ёши ўтган, лекин жуда қиммат. Виктор Осимхеннинг "Наполи"даги муваффақиятли ўйини ҳақида ҳам гап бор. Менимча, у жамоага яхши мос тушади”, деди Маттеус Sky Sports нашрига.

Кейн жорий мавсумда АПЛда 31 та ўйинда майдонга тушиб, 23 та гол ва 2 та голли узатмага муаллифлик қилган.

Осимхен А Сериянинг 24та ўйинида 21та гол ва 4та голли узатмани амалга оширган.