Италиялик мутахассис Карло Анчелотти келаси мавсумда "Реал" бошқарувида қолиши учун нима қилиши кераклиги маълум бўлди. Sky Sports журналистларига маълум бўлишича, мураббий жамоани жорий Чемпионлар лигасида ғалабага қадар етакласа, у ўз ишини давом эттиради.
Анчелотти ва "қироллик" клуби ўртасидаги амалдаги шартнома 2024 йилнинг ёзида якунига етади. Охирги ойларда италиялик мутахассис Бразилия терма жамоаси бош мураббийи лавозимига даъвогарлар сафида тилга олинмоқда.
Чемпионлар лигасида "Реал Мадрид" ўз уйида "Челси"ни 2:0 ҳисобида мағлуб этганди. Бугун жамоалар жавоб ўйинини ўтказишади.
