Испания Ла лигаси ва Сегундаси ҳакамлари ўзлари шаънига айтилаётган танқидлар туфайли мусобақага нисбатан бойкот эълон қилиши мумкин.
"El Partidazo de COPE" тарқатган хабарга кўра, ҳакамлар навбатдаги йиғилишда учрашувларга нисбатан бойкот эълон қилиш масаласини муҳокама қилишади. Агар шундай бўлса, Испания чемпионатлари ўйинлари тўхтаб қолади.
Яқинда Сеуте шаҳрида испаниялик ҳакам Антонио Позога нисбатан ҳужум қилинганди. «Полильяс» клуби ёшлар жамоаси ўйинчилари ва уларнинг ота-оналари «Калавера»га қарши баҳс сўнгида ҳакамга ҳужум қилиб, стадион ташқарисида уни дўппослаб, тан жароҳати етказишди.
Ҳакамлар бойкот борасида қарори бугун эълон қилиниши кутилмоқда.