"Манчестер Юнайтед"нинг собиқ футболчиси Пол Паркер дарвозабон сифатида клубга вазият бўйича маслаҳат берди.
"Давид де Хеа - биринчи даражали дарвозабон ва мен "Манчестер Юнайтед" уни алмаштиришни исташига ҳеч қандай сабаб кўрмаяпман. Менимча, клуб унинг шартномасини яна бир йилга узайтириши керак.
У камида яна бир мавсум асосий дарвозабон бўлиш ҳуқуқини қўлга киритди, агар у яхши ўйнашда давом этса, клуб унга янги шартнома таклиф қилиши мумкин. Менимча, Де Хеа дунёнинг энг зўр дарвозабонларидан бири", - дея Паркернинг сўзларини келтиради Goal.
"Манчестер Юнайтед"нинг навбатдаги ўйини 23 апрель куни Англия кубоги доирасида "Брайтон"га қарши ўтказилади.
