"Бавария" вице-сардори Жошуа Киммих Чемпионлар лигаси 1/4 финали жавоб учрашувида "Манчестер Сити"га қарши ўйин (1:1) ҳақида фикр билдирди.
“Бўлган имкониятлардан фойдаланмасдан олдинга чиқа олмаганимиз ачинарли. Агар биринчи бўлимда ҳисоб 1:0 бўлиб якунланганида, учрашув қандай ривожланишини кўрмоқчи эдим.
Бу қарама-қаршиликнинг 180 дақиқасига назар ташлайдиган бўлсак, уларнинг атиги 20-30 дақиқасида яхши ўйнай олмаганимиз кўринади. Бугун бизни фақат мўъжиза қутқара олади, деб ўйламасдим. Биз учта ва ундан ҳам кўпроқ гол уришимиз мумкин эди", - дея Киммихдан иқтибос келтиради УЕФА матбуот хизмати.
