"Челси" клуби ўзининг трансфер режалари борасида қарор қабул қилди. Унга кўра ёзда таркибдаги ҳеч бир футболчининг жамоада қолиши кафолатланмаган.
"Челси" раҳбари Тодд Боули таркибни қисқартиришни ва исталган ўйинчига келган таклифларни эшитиб кўришга тайёр. Жамоани тарк этиш эҳтимоли кўпроқ бўлган футболчилар Пьер-Эмерик Обамеянг, Кристиан Пулишич, Хаким Зиеш, Рахим Стерлинг ва Конор Галлахер ҳисобланади.
Умуман олганда, ҳозирда "Челси"да омадсизликлар давом этмоқда. Жамоа АПЛ жадвалида 39 очко билан 11-ўринда турибди. Янги раҳбарият қўл остида жамоада аллақачон 4 та мураббий ишлашга улгурди.
