"Манчестер Юнайтед" бош мураббийи Эрик тен Хаг Европа лигаси 1/4 финалида "Севилья" билан бўлиб ўтадиган жавоб ўйинидан олдинги фикрлари билан ўртоқлашди.
"Биз бутун майдонда анча тартиблимиз, аммо ҳужумда яхшироқ бўлишимиз керак. Ишончим комилки, биз гол ура оламиз. Мотивацияни восита сифатида ишлатишимиз керак. Айниқса, катта ўйинларда. Биз ўйинга тўғри эътибор қаратишимиз ва иложи борича яхшироқ ўйнашимиз керак", - деди Тен Хаг УЕФА расмий сайтига.
Биринчи учрашув 2:2 ҳисобида якунланган эди. Жамоалар ўртасидаги жавоб ўйини 20 апрель куни Севилья шаҳрида бўлиб ўтади.
