Миланнинг "Интер" клуби вингери Хоакин Корреа ЕЧЛ чорак финалида "Бенфика"га қарши ўйиндаги дуранг ҳақида гапирди. Ўйин 3:3 ҳисобида якунланди.

"Биз бахтлимиз. "Интер" Чемпионлар лигасининг ярим финалига чиқишни истади ва у ерга ҳақли равишда йўл олди. Вазият биз хоҳлагандек бўлмаганда ҳам жамоа кураш олиб борди. Агар шундай ўйнашда давом этсак, кўп нарсага эришишимиз мумкин. Биз мавсумни ижобий натижа билан якунламоқчимиз”, - деди футболчи УЕФА матбуот хизматига.

"Интер" "Бенфика"ни умумий ҳисобда 5:3 ҳисобида мағлуб этди. Чемпионлар лигаси финали йўлланмаси учун “нерадзуррилар” “Милан” билан куч синашади.