Янги 2012-2013 йилги мавсумга темирйўлчилар ҳар қачонгидан жиддий ҳозирлик кўришди. Ахаджон Юсупов бошчилигидаги жамоа бу йил бир неча кучли футзалчилар билан шартнома имзоладилар. 2011-2012 футзал буйича миллий чемпионат тўпурари Артур Юнусов, терма жамоамиз дарвозабони Рустам Умаров, Константин Свиридов, Нодир Элибоев каби кучли мини футбол усталари "Локомотив" сафига келиб қўшилдилар. Бугун Ўзбекистон Спорт Марказида "Ассоцияция Кубоги-2012"га старт берилди.

А гурухида "Локомотив" футзалчилари "Гулистон" футзалчилари билан майдонга тушдилар. Учрашувни кўтаринки руҳда бошлаган футзалчиларимиз Фахриддин Самеговнинг кучли зарбасидан сўнг ҳисобни очдилар. "Гулистон" дарвозабони кўплаб муқаррар голлардан ўз жамоасини биринчи бўлимда қутқарди, лекин иккинчи бўлимда темирйўлчилар чиройли ўйин ва маҳорат эвазига рақиб дарвозасига 6 гол урдилар. Фахриддин Самегов ва Артур Юнусов дубльга эришган бўлсалар, Даврон Чориев, Константин Свиридов ва Хуршид Умаралиевлар биттадан тўп киритдилар. Гулистон жамоаси ҳам учрашувнинг сўнгги секундларида гол киритдилар. Тўп муаллифи Кулиев Жаббор. Шу тариқа Локомотив мини футболчиларининг биринчи учрашуви 7:1 ҳисоби билан якунланди.

"Локомотив" эртага Чирчиқ Максам жамоасига қарши майдонга тушадилар. Учрашув 11:30да бошланади. Барча футзал ишқибозларини ушбу учрашувга таклиф қиламиз.

"Ассоцияция Кубоги-2012"
А гурухи
Локомотив (Тошкент) – Гулистон (Гулистон), 7:1 (1:0)
Голлар: Ф.Самегов (4,24), Артур Юнусов (16,20), Х.Умаралиев (22), К.Свиридов (24), Д.Чориев (25) – Кулиев Жаббор (30).