"Бавария" ҳимоячиси Альфонсо Дэвис "Манчестер Сити"нинг радарида. Todofichajes хабарига кўра, инглиз клуби канадалик футболчини қўлга киритиш йўлини ўйлаю топган. "Шаҳарликлар" "Бавария"га Жоау Канселуни қўшимча тўловлар билан таклиф қилмоқчи.
Канселу айни дамда Мюнхеннинг "Бавария" клубида ижара асосида ўйнамоқда. Шу билан бирга, португалиялик футболчи "Манчестер Сити" бош мураббийи Хосеп Гвардиоланинг режаларига киритилмаган.
22 ёшли Альфонсо Дэвис 70 миллион еврога баҳоланган. "Бавария" сафида ҳимоячи 152 та ўйин ўтказиб, 8 та гол урган ва 25 та голли узатма берган.
