“Манчестер Сити” вингери Рийод Махрез Англия кубоги ярим финалида “Шеффилд Юнайтед”га учта гол урди.

Жазоирликнинг учрашувнинг 43, 61 ва 66-дақиқаларида берган аниқ зарбалари “шаҳарликлар”ни турнир финалига олиб чиқди. Opta қайд этишича, Махрез 32 ёшу 60 кунлик бўлиб, Пеп Гвардиола билан бирга ишлаган энг кекса хет-трик муаллифидир.

Рийод Махрез жорий мавсум “Манчестер Сити”нинг барча турнирларда 38 та ўйинда майдонга тушиб, 15 та гол ва 8 та голли узатмага муаллифлик қилган.