"Барселона" "Ливерпуль" ҳужумчиси Роберто Фирминони молиявий талаблари туфайли уни эркин агент сифатида ўз сафига қўшиб олишдан бош тортган, дея хабар беради журналист Жерар Ромеро.
Аввалроқ бразилиялик футболчи "Барселона" билан шартнома борасида келишиб олгани ҳақида хабар берилганди.
Манбага кўра, "кўк-анорранглилар" кўпроқ бюджетга мос келадиган вариантларини қидиради.
Фирмино “Ливерпуль” сафида 2015 йилнинг ёзидан буён тўп суради. Унинг амалдаги шартномаси шу йилнинг июн ойида тугайди.
Фирмино жорий мавсумда барча турнирларда 33 та ўйинда майдонга тушиб, 11 та гол урди ва 5 та голли узатмани амалга оширди.
