"Barselona" "Liverpul" hujumchisi Roberto Firminoni moliyaviy talablari tufayli uni erkin agent sifatida o‘z safiga qo‘shib olishdan bosh tortgan, deya xabar beradi jurnalist Jerar Romero.
Avvalroq braziliyalik futbolchi "Barselona" bilan shartnoma borasida kelishib olgani haqida xabar berilgandi.
Manbaga ko‘ra, "ko‘k-anorranglilar" ko‘proq byudjetga mos keladigan variantlarini qidiradi.
Firmino “Liverpul” safida 2015 yilning yozidan buyon to‘p suradi. Uning amaldagi shartnomasi shu yilning iyun oyida tugaydi.
Firmino joriy mavsumda barcha turnirlarda 33 ta o‘yinda maydonga tushib, 11 ta gol urdi va 5 ta golli uzatmani amalga oshirdi.
