Ла Лиганинг 31-тур марказий ўйинида «Барселона» «Атлетико»ни мағлуб этиб, чемпионатдаги пешқадамлигини мустаҳкамлади.
Иккинчи бўлимда Педри «Барселона» таркибида майдонга тушди - у жароҳат туфайли бир неча ҳафтани ўтказиб юборганди.
Ўйиндан сўнг, қайтиши мухлисларда сезиларли қувончга сабаб бўлган ярим ҳимоячи ўйин воқеалари ҳақида фикр билдирди.
«Мен имкон қадар тезроқ қайтишни хоҳладим. Ўйин менга энг катта завқ бағишлайди. Биз уч очкони қўлга киритиб, ўйинга финалдек муносабатда бўлдик.
Аммо олдинда бошқа муҳим учрашувлар бор», - дея футболчининг сўзларини келтиради Испаниянинг AS нашри.
