La Liganing 31-tur markaziy o‘yinida «Barselona» «Atletiko»ni mag‘lub etib, chempionatdagi peshqadamligini mustahkamladi.
Ikkinchi bo‘limda Pedri «Barselona» tarkibida maydonga tushdi - u jarohat tufayli bir necha haftani o‘tkazib yuborgandi.
O‘yindan so‘ng, qaytishi muxlislarda sezilarli quvonchga sabab bo‘lgan yarim himoyachi o‘yin voqealari haqida fikr bildirdi.
«Men imkon qadar tezroq qaytishni xohladim. O‘yin menga eng katta zavq bag‘ishlaydi. Biz uch ochkoni qo‘lga kiritib, o‘yinga finaldek munosabatda bo‘ldik.
Ammo oldinda boshqa muhim uchrashuvlar bor», - deya futbolchining so‘zlarini keltiradi Ispaniyaning AS nashri.
