Роберто Фирмино мавсум охирида "Ливерпуль"ни текинга тарк этади. Бош мураббий Юрген Клопп бразилиялик футболчининг ўрнига январь ойидан бери "қизиллар" сафида тўп сураётган Коди Гакпо тўлдиришини айтди.
“Ўйлашимча, Бобби [Фирмино] кўплаб ҳужумчиларни илҳомлантирган. Кодига келсак, 23 ёшида у ўзининг собиқ клуби сардори бўлган. Нега бу қадар эрта бўлганини тушунолмадим, лекин у бу ерга келганида мен тушундим. У жуда ақлли йигит, ҳақиқий жамоавий ўйинчи ва ҳоказо.
Гакпо жуда яхши футболчи. У қанотларда ҳам, марказда ҳам, бироз баландроқда ҳам ўйнай олади. У "Ливерпуль"да ўз йўлини яратиши мумкин, чунки биз Фирмино каби бўладиган футболчини излашимиз шарт эмас. Ҳеч ким Бобби эмас", - дея Клоппнинг сўзларини келтиради GOAL портали.
