Roberto Firmino mavsum oxirida "Liverpul"ni tekinga tark etadi. Bosh murabbiy Yurgen Klopp braziliyalik futbolchining o‘rniga yanvar oyidan beri "qizillar" safida to‘p surayotgan Kodi Gakpo to‘ldirishini aytdi.
“O‘ylashimcha, Bobbi [Firmino] ko‘plab hujumchilarni ilhomlantirgan. Kodiga kelsak, 23 yoshida u o‘zining sobiq klubi sardori bo‘lgan. Nega bu qadar erta bo‘lganini tushunolmadim, lekin u bu yerga kelganida men tushundim. U juda aqlli yigit, haqiqiy jamoaviy o‘yinchi va hokazo.
Gakpo juda yaxshi futbolchi. U qanotlarda ham, markazda ham, biroz balandroqda ham o‘ynay oladi. U "Liverpul"da o‘z yo‘lini yaratishi mumkin, chunki biz Firmino kabi bo‘ladigan futbolchini izlashimiz shart emas. Hech kim Bobbi emas", - deya Kloppning so‘zlarini keltiradi GOAL portali.
