«Бавария» бош мураббийи Томас Тухель Германия чемпионатининг 29-тури доирасида «Майнц»га қарши ўйиндан сўнг ОАВ вакиллари билан суҳбатлашди.

Учрашув мюнхенликларнинг 1:3 ҳисобидаги мағлубияти билан якунланди.

«Ижобий нарса излашнинг маъноси йўқ. «Бавария» мавсумнинг иккинчи қисмида кўп очко йўқотди, биз бутун 90 дақиқа давомида яхши ўйин кўрсата олмаймиз.

Кейинги кунларда турнир жадвалига эътибор бермай, қаттиқ меҳнат қилинади. Бунинг учун мен жавобгарман», - деди «Бавария» устози .

Германия чемпионатининг 29-туридан сўнг «Бавария» 59 очко жамғариб, «Боруссия»дан бир очко ортда қолган ҳолда иккинчи ўринда бормоқда.