Football Insider нашри хабарига кўра, "Челси" "Саутгемптон" ярим ҳимоячиси Ромео Лавиани ўз сафига қўшиб олиш учун астойдил ҳаракат қилмоқда.
"Кўклар" аллақачон 19 ёшли футболчининг вакиллари билан боғланиб, футболчи учун қийин рақобатни енгиб ўтишга ҳаракат қилишган. "Манчестер Сити"нинг бельгиялик футболчини ўз сафига қўшиб олиш бўйича банди 2024 йилгача кучга кирмайди. Бунгача футболчи “шаҳарликлар”нинг U-18 ва U-21 жамоалари шарафини ҳимоя қилган. Лавиа ўтган ёзда 12 миллион евро эвазига "Саутгемптон"га ўтган эди. “Челси”дан ташқари “Ливерпуль” ва “Арсенал” ҳам бельгиялик футболчининг ўйинларини кузатиб боришмоқда ва уни кейинги трансфер ойнасида қўлга киритишни кутишмоқда.
Жорий мавсумда Лавиа "авлиёлар" сафида 29 ўйин ўтказиб, битта голли узатмани амалга оширди. Transfermarkt портали унинг нархини 25 миллион еврога баҳоламоқда.
