Ҳаммаси Маурисио Почеттинонинг "Челси"нинг янги бош мураббийи бўлишига қараб кетмоқда. Нуфузли инсайдер Фабрицио Романонинг ижтимоий тармоқларда хабар беришича, душанба куни Испанияда Почеттино ва Лондон клуби вакиллари ўртасида учрашув бўлиб ўтди.
Келишув якуний босқичда эканлиги айтилмоқда. "Челси" яқин вақт ичида расмий шартнома таклифини юбориши керак.
Маурисио Почеттино "ПСЖ"дан кетганидан кейин деярли бир йил давомида ишсиз. Ўз вақтида Англияда мутахассис "Саутгемптон" ва "Тоттенхэм"да ишлаган.
"Челси" ҳозирда АПЛ турнир жадвалида 11-ўринда бормоқда.