"ПСЖ" ёзда трансфер учун таркибни қайта қуришни режалаштирмоқда. Лига 1 гранди Мадриднинг “Реал” клуби ҳимоячиси Ферлан Мендини сотиб олмоқчи, дея хабар беради El Nacional.
Парижликлар чап қанот ҳимоячиси позициясини мустаҳкамламоқчи ва улар Менди Мадридда дахлсиз ҳисобланмаслигини билишади, дейилади мақолада.
Ферлан Менди 2019 йилнинг ёзидан буён "Реал"да ўйнамоқда. Ўшандан бери ҳимоячи 130 та ўйин ўтказиб, 5 та гол урди ва 10 та голли узатмани шерикларига берди.
Эслатиб ўтамиз, Transfermarkt портали экспертлари 24 ёшли Мендини 35 миллион еврога баҳоламоқда.













