"Бавария" 3 нафар футболчиси билан шартнома борасида музокаралар ўтказишни режалаштирган.

Мюнхен спорт директори Ҳасан Салиҳамиджич аллақачон Жамол Мусиала ва Альфонсо Дэвис билан учрашиб, уларнинг келажагини муҳокама қилган - клуб иккала ёш футболчини ҳам янги шартнома билан тақдирлашни режалаштирмоқда, дея хабар беради Bayern & Germany.

Шунингдек, Люка Эрнандес "Бавария" билан музокараларни давом эттираётгани, раҳбарият эса айни дамда оғир жароҳатидан фориғ бўлишда давом этаётган франциялик футболчи билан музокаралар муваффақиятли якунланишига тўлиқ ишонаётгани қайд этилган.

Жамол Мусиаланинг амалдаги шартномаси 2026 йилгача, Альфонсо Дэвис 2025 йилгача, Люка Эрнандес 2024 йилгача мўлжалланган.