"Вулверхэмптон" вингери Пабло Сарабия фаолиятидаги ўзгаришлар ҳақида ўз фикрини айтди.
30 ёшли футболчи январь ойида "ПСЖ"дан кетиб, "бўрилар" сафига қўшилган эди.
"Мен Англияга кўчиб ўтганимдан жуда мамнунман. Ҳозир менга ҳаммаси мос келади - клуб, мураббий, жамоадошлар. "ПСЖ"дан кетиш вақти келгани аниқ эди, чунки мен жуда кам ўйин амалиётига эга бўлаётгандим. Фаолиятингизнинг энг яхши йилларини захира ўриндиғида ўтказиш жуда хафа қилади ва уч нафар асосий таркиб футболчиси жароҳат олганида ҳам вазият ўзгармади. Мен шунчаки ўйнашни хоҳлардим”, деди испаниялик футболчи AS нашрига берган интервьюсида.
