«Жирона» ҳужумчиси Валентин Кастельянос Испания чемпионатининг 31-тури доирасида бўлиб ўтган «Реал»га қарши ўйин (4:2) борасида ўз фикрини билдириб ўтди.

24 ёшли аргентиналик футболчи мазкур ўйинда "покер"га эришиб, сўнгги 76 йил ичида Испания чемпионати доирасида "Мадрид" дарвозасига 4та гол урган илк ўйинчига айланди.

«Орзу қиларли даражада ҳайротомуз оқшом. Биз жаҳоннинг энг яхши жамоаларидан бирига қарши ўйнадик. Бу жамоага тўртта гол ураман деб ҳеч ўйлаб кўрмаган эканман.

Мен учун оилам, Аргентинада, жумладан, Мендосдаги инсонлар хурсанд бўлишди», — деди Кастельянос.