Мадриднинг “Реал” клуби ҳимоячи Начо Фернандесни сақлаб қолишга қарор қилди.

33 ёшли футболчи мавсум охирида клубни эркин агент сифатида тарк этиши мумкин, чунки унинг амалдаги шартномаси икки ойдан кейин тугайди. Инсайдер Николо Скиранинг сўзларига кўра, "Реал Мадрид" жамоа фахрийси билан ҳамкорликни давом эттириш ниятида - унга 2024 йилгача ҳисобланган янги меҳнат шартномаси таклиф қилинган.

Начо Фернандес бутун профессионал фаолияти давомида "Реал Мадрид"да ҳаракат қилган. Жорий мавсумда у 37 учрашувда майдонга тушиб, битта гол ва битта голли узатмага муаллифлик қилган.