"Милан" раҳбарияти Рафаэль Леаунинг клуб билан янги шартнома имзолашини кутмоқда.
Яқинда маълум бўлишича, ҳужумчи "россонерилар" билан янгиланган шартнома шартларини келишиб олган. Инсайдер Фабрицио Романонинг янгиланган маълумотларига кўра, "Милан" ҳозирда 23 ёшли португалиялик билан имкон қадар тезроқ узоқ муддатли шартнома имзолашни талаб қилмоқда. Футболчининг ўзи бор эътиборини Чемпионлар лигаси ва А Сериянинг қолган ўйинларига қаратган.
Рафаэль жорий мавсумдаги 41 учрашувда 13 гол киртиган ва 12 голга ассистентлик қилган. Миш-мишларга кўра, ҳужумчига Англия Премьер-лигасининг грандлари қизиқиш билдирмоқда.
