Массимилиано Аллегри "Ювентус"нинг вазифалари ҳақида гапирди.
Туринликлар бош мураббийи Италия кубоги 1/2 финалининг "Интер"га қарши жавоб учрашуви (биринчи ўйин – 1:1) арафасида ўз фикрларини билдириб ўтди.
"Агар яхши ўйнасак ва омадимиз келса, финалга чиқамиз. Бўлмаса, "Интер"ни олқишлаймиз. Мавсумнинг ушбу босқичида барча учрашувлар ҳал қилувчи ҳисобланади.
А Серияда биз ғалабали йўлга қайтишимиз керак, аммо пайшанба куни бу ҳақда ўйлашни бошлаймиз. Биз иккинчи ўринни эгалламоқчимиз – бу кейинги йил Суперкубокда иштирок этишимизни кафолатлайди" - деди Аллегри.
2024 йилдан бошлаб Италия Суперкубоги учун тўртта жамоа кураш олиб боради: А Сериянинг иккита энг яхши клуби ва Италия кубогининг иккала финалчиси.
