"Барселона" раҳбарияти Movistar Television платформаси билан муддати 30 июнда тугайдиган шартномани янгиламади.
Barca TV клуб канали ёпилиши муносабати билан 150 га яқин ходим ишдан бўшатилади. Бу ҳақда уларга раҳбарият билан пайшанба куни бўлиб ўтган йиғилишда маълум қилинди.
Бу қарор Ла Лиганинг молиявий фейр-плей талаблари билан боғлиқ ҳолда қабул қилинган. "Барселона" узоқ вақтдан бери сарф-харажатлар чегарасини қондириш учун кураш олиб борди ва турли ишга олиш чекловларига дуч келди. Эндиликда Каталония клуби жамоа имиджини сақлаб қолиш ва контентни трансляция қилишнинг янги усулларини қидирмоқда.
